ಶ್ರೀಯುತ ವಿ.ರಾಮಸ್ವಾಮಿ

ಬೊಮ್ಮಶೆಟ್ಟಹಳ್ಳಿ, ಗೋಪಾಲಪುರ ಗ್ರಾಮ ಪಂಚಾಯಿತಿ, ಯಲಹಂಕ ವಿಧಾನಸಭಾ ಕ್ಷೇತ್ರ

ಶ್ರೀಯುತ ವಿ.ರಾಮಸ್ವಾಮಿ ಯವರ ಬಗ್ಗೆ ಒಂದಿಷ್ಟು ......

ಬಡ ಮತ್ತು ಶ್ರಮಿಕ ಕುಟುಂಬದಿಂದ ಬಂದಂತಹ ಸಾಮಾನ್ಯ ವ್ಯಕ್ತಿ ವಿ.ರಾಮಸ್ವಾಮಿ ಯವರು ರೈತರ ದನಿಯಾಗಿ, ಯುವಕರ ಕಣ್ಮಣಿಯಾಗಿ, ಹಾಗೂ ಆದರ್ಶ ವ್ಯಕ್ತಿಯಾಗಿ ಗ್ರಾಮಗಳ ಅಭಿವೃದ್ಧಿಯಲ್ಲಿ ತನ್ನನ್ನು ತಾನು ತೊಡಗಿಸಿಕೊಂಡು ನಿಂತ ನೀರಾಗದೆ ನಿರಂತರವಾಗಿ ಶ್ರಮಿಸುತ್ತಾ ಬಂದಿದ್ದಾರೆ.

ಹೀಗೆ ವೈಯಕ್ತಿಕ ಬದುಕು ನೆಲೆಕಂಡು ಪ್ರಗತಿ ಪಥದಲ್ಲಿ ಸಾಗುತ್ತಿರುವಾಗ ತಾನು ಹುಟ್ಟಿದ ಗ್ರಾಮ ತನ್ನ ಜನತೆಯ ಬಗ್ಗೆ ಚಿಂತಿಸಿದ ರಾಮಸ್ವಾಮಿ ಸಾಮಾಜಿಕ ಕಳಕಳಿಯಿಂದ ಗ್ರಾಮದ ಅಭಿವೃದ್ಧಿಗೆ ಧರ್ಮದ ಚೌಕಟ್ಟು ಹಾಕುವಲ್ಲಿ ಯಶಸ್ವಿಯಾಗಿದ್ದಾರೆ. ಧರ್ಮದ ನೆಲಗಟ್ಟಿನ ಮೇಲೆ ರೂಪಿಸುವ ರಾಜಕೀಯ ನಿಜವಾದ ವಿಕಾಸಕ್ಕೆ ನಾಂದಿ ಹಾಡುತ್ತದೆ ಎನ್ನುವ ಮಹಾತ್ಮಾ ಗಾಂಧೀಜಿ ನುಡಿಯಂತೆ ಗ್ರಾಮ ಪಂಚಾಯಿತಿ ಅಧ್ಯಕ್ಷರಾಗಿ ಸಹ ಸದಸ್ಯರೊಂದಿಗೆ ಅತ್ಯುತ್ತಮ ಸೇವೆ ಸಲ್ಲಿಸಿ ಇಂದು ಮಾದರಿ ಪಂಚಾಯಿತಿ ಎಂಬ ಕೀರ್ತಿಗೆ ಪಾತ್ರವಾಗಿದೆ.

ಸಾರ್ವಜನಿಕರ ಸೇವೆಗಾಗಿ ಮಾತಾಪಿತರ ಹೆಸರಲ್ಲಿ ರೂ.೨೫ ಲಕ್ಷ ವೆಚ್ಚದಲ್ಲಿ ಗೋಪಾಲಪುರ ಗ್ರಾಮ ಪಂಚಾಯಿತಿಗೆ ಸುಸಜ್ಜಿತ ಕಟ್ಟಡವನ್ನು ಕಟ್ಟಿಸಿದ ಶ್ರೇಯಸ್ಸಿನೊಂದಿಗೆ ನಾಡಿನ ಜ್ಙಾನಪೀಠ ಪುರಸ್ಕೃತರ ಭಾವಚಿತ್ರಗಳ ಪ್ರದರ್ಶನದೊಂದಿಗೆ ಗೋಪಾಲಪುರ ಗ್ರಾಮದಲ್ಲಿ ಬಸ್ ತಂಗುದಾಣ ನಿರ್ಮಿಸಿ ಕನ್ನಡದ ಅಭಿಮಾನವನ್ನು ಮೆರದದ್ದು ನಾಡು ನುಡಿ ಸೇವೆಗೆ ಸಾಕ್ಷಿಯಾಗಿದೆ, ಶಾಲಾ ಮಕ್ಕಳಿಗೆ ಪ್ರತಿಭಾ ಪುರಸ್ಕಾರ, ಬ್ಯಾಗ್, ಪುಸ್ತಕ ವಿತರಿಸಿ ರಾಮಸ್ವಾಮಿ ಧನ್ಯರಾಗಿದ್ದಾರೆ. ಮಹಿಳೆಯರಿಗೆ ಆರ್ಥಿಕ ಸ್ವಾತಂತ್ರ್ಯ ಸಿಕ್ಕಾಗ ಮಾತ್ರ ದೇಶದ ನಿಜವಾದ ಪ್ರಗತಿ ಎನ್ನುವ ಡಾ.ಬಿ.ಆರ್.ಅಂಬೇಡ್ಕರ್ ನುಡಿಯ ಅನುಷ್ಠಾನಕ್ಕಾಗಿ ಹೆಣ್ಣು ಮಕ್ಕಳಿಗೆ ಕೌಶಲ್ಯ ತರಬೇತಿ ಕೇಂದ್ರವನ್ನು ಗ್ರಾಮ ಪಂಚಾಯಿತಿಯಲ್ಲಿಯೇ ಪ್ರಾರಂಭಿಸಿ ಉಚಿತ ತರಬೇತಿ ನೀಡಿ ಸ್ವಯಂ ಉದ್ಯೋಗಕ್ಕೆ ಕಾರಣರಾಗಿದ್ದಾರೆ.

ರೈತರ ಸಂಕಷ್ಟಗಳನ್ನು ಅನುಭವಿಸಿದ ರಾಮಸ್ವಾಮಿ ವ್ಯವಸಾಯ ಸೇವಾ ಸಹಕಾರ ಸಂಘ ಪ್ರಾರಂಭಿಸಿ ಸ್ಥಾಪಕ ಅಧ್ಯಕ್ಷರಾಗಿ ಕೈ ಕಸುಬುದಾರರಿಗೆ ಉಪಕರಣ ವಿತರಿಸಿ ಸಣ್ಣ ರೈತರು, ವ್ಯಾಪಾರಿಗಳಿಗೆ ಸಾಲ ಸೌಲಭ್ಯ ನೀಡಿ ಅವರುಗಳ ಜೀವನಕ್ಕೆ ಕೈ ದೀಪವಾಗಿದ್ದಾರೆ. ಬದಲಾದ ಕಾಲಘಟ್ಟದಲ್ಲಿ ರಾಜಕಾರಣವೆಂಬುದು ಲಾಭ-ನಷ್ಟದ ಶುದ್ದ ವ್ಯವಹಾರವಾಗಿರುವ ಸಂದರ್ಭದಲ್ಲಿ ರಾಮಸ್ವಾಮಿಯವರು ನೈಜ ಜನನಾಯಕ. ಒಬ್ಬ ವ್ಯಕ್ತಿ ಮನಸ್ಸುಮಾಡಿದ್ದೆಯಾದರೆ ಎಷ್ಟೊಂದು ಸಾಧಿಸಬಹುದಲ್ಲವೆ? ಸಾಧನೆಯ ಪ್ರತೀಕ ಭಾರತ ಸರ್ಕಾರದ ಗ್ರಾಮೀಣ ಅಭಿವೃದ್ದಿ ಇಲಾಖೆಯ ೧೦ ನೇ ಸೆಪ್ಟಂಬರ್ ೨೦೧೪ ರಂದು ದೆಹಲಿಯಲ್ಲಿ ರಾಷ್ಟ್ರದ ಗಣ್ಯರೊಂದಿಗೆ ನಡೆಸಿದ ಸಿ.ಎಲ್.ಸಿ.ಸಿ ೧೬ ನೇ ಸಭೆಗೆ ರಾಜ್ಯದ ಏಕೈಕ ಪ್ರತಿನಿಧಿಯಾಗಿ ಭಾಗವಹಿಸಿದ್ದು ನಮ್ಮೆಲ್ಲರ ಹೆಮ್ಮೆಯ ಸಂಗತಿಯಲ್ಲವೆ.